Poslovne vesti - Makedonija

Индустријата во септември пораснала за 1,6 проценти

Индустриското производство во септември во однос на август годинава е зголемено за 1,6 проценти, објави Државниот завод за статистика.

Во септември годинава во однос на истиот месец лани индустриското производство е намалено за 11,9 проценти, а споредено со просечното производство во 2005 бележи зголемување за 6,7 проценти.

Според главните индустриски групи, производството во минатиот месец во однос на просечното производство во 2005 година бележи пораст кај интермедијарни производи, освен енергија за 13 проценти, трајни производи за широка потрошувачка за 14,8 проценти и кај нетрајните производи за широка потрошувачка за 23,2 проценти.